1. Kio estas Esperanto ?
Al japanlingva pagxo
Esperanto estas internacia lingvo neuxtrala, kiun oni uzas
egale kaj libere en la mondo.
La angla, rusa, franca kaj aliaj gravaj(potencaj) lingvoj plenumas
la rolon de internacia help-lingvo gxis ia grado. Tamen, maljuste
kaj malegale estas postuli, ke cxiu lernu kaj uzu iun potencan
lingvon por internacia komunikado, cxar la lingvo estas esence
etna lingvo.
Esperanto estas komuna lingvo de tuta homaro,
apartenas al neniu nacio, neniu etnio kaj neniu organizo.
Esperanto estas uzata pli ol cent jaroj,
la lingvo estas kreita de D-ro L. L. Zamenhof, varsovia okulisto,
en 1887. Nuntempe oni diras, ke cxirkaux
miliono da homoj uzas Esperanton en centkelkdek landoj en la mondo.
UEA(Universala
Esperanto-Asocio, kies Centra Oficejo estas en Nederlando),
SAT(Sennacieca
Asocio Tutmonda, kies Centra oficejo estas en Francujo) kaj
aliaj havas cxiu dekmilojn da membroj en dekoj da landoj, eldonas
monatajn organojn, laboras aktive por internacia interfluo kaj
solidareco kun internacia organizo kiel Unesko(Eduka, Scienca
kaj Kultura Organizo de Unuigxintaj Nacioj).
Internacia organizo de esperantistoj trovigxas en cxiu scienco
aux okupo (kiel sciencisto, literaturisto, medicinisto (kuracisto),
juristo, gazetisto kaj aliaj). Kaj la esperanta organizo trovigxas
en cxiu religio (kiel katoliko, protestanto, budaisto kaj aliaj)
kaj en cxiu porpaca aux junulara movado, plue en cxiu gusto (kiel
radioamatoro, filatelisto, go-isto kaj aliaj). Sed nenombreblaj
estas tiuj esp-istoj, kiuj ne apartenas al tiaj organizoj.
Ekzistas sistemo nomata "pasporta servo (internacia reto de senpagaj gastejoj
por esperantistoj)". Se vi parolas Esperanton kaj acxetis
la liston de gastigantoj, vi povas logxi senpage aux per malmulta
kosto cxie tra la mondo (cxircaux 900 lokoj en 68 landoj).
Lastatempe, esperantistoj prospere reciprokas e-leterojn per interreto
tra la reta novajx-grupo "soc.culture.esperanto"
kaj aliaj.
Al
enhavo